Kabanata 161 Kawalan ng Pag-asa

Alam ng kahit sino sa industriyang ito kung gaano kalupit ang mga salitang ito sa kahit anong artista. Pumirma si Crystal ng sampung taong kontrata sa Anning International. Kahit ibawas ang nakaraang tatlong taon, pito pa rin ang natitira. Kung wala siyang matatanggap na suporta sa loob ng pitong taon, hindi siya makakapasok sa kahit anong pelikula o mga commercials, ano naman ang mangyayari sa kanya pagkatapos nito? Sino naman ang makakaalala sa kanya? Matanda na siya sa pagkakataong iyon! Ano pa ang silbi ng kanyang kontrata?! Habang iniisip ito, gusto na lamang mamatay ni Crystal. Agad naman siyang tumawag. Kailangan niyang malaman kung ano ang nangyayari! Nasagot naman ito. Mukhang maingay sa kabilang linya habang mahigpit ang kanyang hawak sa cellphone. Mamaya-maya, bumulong siya nang mahina, “Hello Martin, nandyan ka ba?” Nagsalita ang nasa kabilang panig sa mababang boses, “Teka.” Sunod, maririnig ang isang pagaspas. Nagtagal bago natahimik sa lugar ni Martin. “Ano iyo