Kabanata 257 Kumagat Pabalik

Nagbago ang ekspresyon ni Nell. Patuloy na nagsalita si Celine, “Kung ayaw niyo akong paniwalaan, mayroon akong ebidensya at saksi. Pagkatakas ko, sinuwerte ako nang makakilala ako ng isang mabuting mangingisda, siya ang tumulong sa akin.” Nabaling ang camera sa isang babaeng mangitim-ngitim ang mukha. Dagdag ng babaeng mangingisda, “Oo, nakakaaawa ang babaeng ito dahil nakakilala siya ng masasamang tao.” “Mabuti na lang, matapang siya at nakalangoy siya ng ilang milya, pero kung hindi niya ako nakasalubong, baka nakain na siya ng mga pating!” Ibinalik ni Celine ang camera sa kanyang sarili saka ipinakita ang kanyang mga natamong sugat sa balat. Dahil sa benda, naging itim at asual ang kanyang braso. Dagdag pa roon, marami siyang pasa at dumudugo rin ang kanyang binti. Nakakaawa siyang tignan. “Gumawa na ako ng police report. Masyadong nawasak ang puso ko dahil sa ginawa ni Nell Jennings. Noong una, kahit anong mangyari, akala ko magkapatid pa rin kami pero yun pala gusto niya a