Kabanata 47 Isang Labanan Para Sa Titulo

Ayon sa sinabing kondisyon ni Gareth, kapag natalo silang muli, isang taon na naman ng pagkabigo ang kanilang pagdudusahan. Kapag nanalo sila, hindi lamang nila makukuha ang titulo, magkakaroon pa ng isang magaling na racer ang Dark Horse Racing Team. Dahil doon, wala nang dapat alalahanin ang Dark Horse sa loob ng limang taon. Pagkatapos ng panahong iyon, marami ng mga bagong talento ang papalit sa kasalukuyang mga puwesto, kaya hindi na mahalaga kung mananatili si Nell o hindi. Ganoon pa man, mas matalino ang matandang ito! Wala ng paraan para umatras si Nell sa sinabi ni Gareth. Malakas naman ang loob ni Nell para kunin ang first place, bakit ngayon pa siya matatakot? Ngumiti siya at inabot ang kanyang kamay. “Sige, walang problema!” “Mabuti!” Nang kinamayan nila ang isa’t isa, nagsimula na ang pustahan. Pagkatapos ng kalahating oras, nagsimula na ang final round. Bumalik na ang mga racers ng tatlong car-racing teams sa circuit. Subalit, nakakita sila ng isang babaeng naka