Kabanata 622 Pagkuha Ng Marriage Certificate

Maaaring hiwalayan ni Lucy si Joel dahil sa ibang rason. Kapag nangyari ito, kailangang suportahan ni Joel ang lahat ng desisyon ni Natalie para sa kanya. Kasama na ang kasal, ang kinabukasan niya, at ang magiging career niya. Nandilim ang mukha ni Joel nang marinig ito. Hindi alam ni Lucy ang nangyaring pustahan sa pagitan ni Joel at ng kanyang ina kaya nagtataka siya habang pinapakinggan is Mike. “Joel, anong ibig nitong sabihin? Pagkatapos ng isang taon?” Kinindatan ni Joel si Mike bilang senyas na maghintay muna ito sa labas. Nilingon ni Joel ang babae at saka seryosong tumitig. Taimtim niyang binanggit, “Lucy, may sasabihin akong mahalaga sa iyo. May kinalaman ito sa kinabukasan ko. Ipupusta ko ang lahat ng kasiyahan ko sa mga kamay mo. Kailangan mong mangako sa akin.” Natigilan si Lucy. Nasorpresa siya sa bigat ng mga salita ni Joel. Nag-alangan siya. “Joel, pakiusap huwag mo naman akong takutin. Anong nangyari?” Natawa si Joel nang makita ang putla sa mukha ng babae.