Kabanata 1036

“Kailangan nating mahabol si Andrius bago siya makarating sa mga Fuller!” Agad na nagbaba si Wade ng utos, mabilis niyang ipinatawag ang mga eksperto sa Medicine Sect bago siya dali daling nagpunta sa Mt. Serpens. Kasalukuyang hinaharap ng alyansang binubuo ng Medicine Sect at ng tatlong naglalakihang mga pamilya ang pamilya Swallow. Siguradong magreresulta sa pagkawasak ng sensitibo na nilang alyansa ang gulong papasukin ni Andrius kasama ng mga Fuller. At sa sandaling magsanib puwersa ang tatlong mga pamilya kasama ng pamilya Swallow… Magiging isa itong malaking problema para sa kanila. Hindi lang si Andrius ang mamomroblema rito dahil maging ang Medicine Sect ay malalagay sa isang delikadong sitwasyon na kung saan gagawin nito ang kahit na ano para lang masigurong hindi mabubura ang kanilang sekta sa mundo. Ito ang ikinababahala ni Wade. Habang inoorganisa ni Wade ang kaniyang team para magpunta sa Mt. Serpens, nakarating na roon si Andrius. Tiningnan niya ang nagtataasang mg