Kabanata 507

Napakurap dito si Lyra. “Lolo, ganito po ba talaga kalakas ang Thirteen Ghost Gates na acupuncture technique?” “Siyempre, malakas ang isang ito!” Seryosong paliwanag ni Dr. Artemis, “Ang Thirteen Ghost Gates ay isang makasaysayang acupuncture technique. Hangga’t humihinga ang iyong pasyente, magagawa ng technique na ito na hatakin siya mula sa mismong gate ng impyerno. Ito ang technique na inaasam ng sinumang doktor sa Florence.” Dito na seryosong yumuko si Dr. Artemis kay Andrius. “Maraming salamat, Iho!” Tinulungan naman ni Andrius na tumayo ang matanda, “Hindi niyo na po kailangan pang gawin ito, Dr. Artemis. Naghahanap po ako ng taong mapagpapasahan ko ng Thirteen Ghost Gates at kilala rin ang inyong kakayahan sa buong Sumeria. Kaya naniniwala ako na magagamit ninyo ito sa mabuti para makapagligtas ng buhay ng mas maraming mga tao.” Nagpasalamat dito nang husto si Dr. Artemis. “Huwag kang magalala, iho. Magsasanay ako para imaster ang technique na ito sa lalong madaling panahon