Kabanata 92

Napansin ng lobby manager ang komosyon kaya agad itong sumugod sa kanila. Agad siyang humingi ng tawad nang makita niya sina Zyler at Lily. Kumalma si Lily sa pagpapakumbabang ipinakita ng manager habang arogante pa rin nitong itinuturo ang gwardya. “Alisin ninyo sa pagmumuka ko ang asong ito! Ayaw ko na siyang makita rito sa bawat sandaling magwawaldas ako ng pera sa hotel ninyo!” At pagkatapos, agad namang tumuro si Lily kay Hera bago ito sumigaw ng, “At ikulong ninyo ang probinsyanang ito para interogahin!” “Opo, opo,” Paulit ulit na tango ng lobby manager. Pero kumabog nang husto ang kaniyang dibdib nang makita niya ang nanlalamig at naiiritang itsura ni Hera. “Ms. Bourne, mas maigi po siguro kung iiwas na po kayo sa pagbisita sa lugar na ito sa susunod.” Sabi ng lobby manager habang nagpapakita ito ng professional na ngiti. Sapat na ang isang kaway mula rito para kaladkarin ng mga gwardya si Lily palabas habang nagpupumiglas ito. Nagulat sina Lily at Zyler sa biglaang pagb