Kabanata 128

“Joshua Lynch, ‘wag mo akong bibiguin!” Sa huli, mabagal na tumingala si Joshua. Kalmado ang mga mata niya. “Narinig ko ang mga tsismis tungkol dito, pero wala akong katibayan na may kinalaman si Aura dito.” Clank! Nahulog sa sahig ang tasa ng tsaa sa kamay ni Neil. Si Luna, na nasa entablado, ay napaatras dahil hindi siya makapaniwala. Paano nangyari ito? Isang mahusay at makapangyarihang tao si Joshua. Kung kaya itong matuklasan ni Neil, kaya niya rin dapat ito. Paano niya... Ganun ba kahalaga sa kanya si Aura? Nabigla si Luna sa kinalabasan nito. Kahit si Aura ay matagal na natulala, bago niya napagtanto ang mga sinabi ni Joshua! Agad siyang tumingala at tumingin ng mayabang kay Luna. “Narinig mo ba ‘yun? Walang katibayan! Kapag nagsabi ka pa ng mga kalokohan, irereport kita sa pulis!” Habang nakatingin sa kayabangan ni Aura, lumamig ang puso ni Luna. Sa huli, prinotektahan pa rin ni Joshua si Aura. Bakit? Ayos lang ba sa kanya kahit na masaktan si Nellie? Kinagat ni Lun