Kabanata 323 Gumawa Siya Ng Isa Pang Kulungan

‘Di kinalauna’y nagising din si Jane. Madilim ang kuwarto nang siya’y magising. Bumangon siya at naglakad-lakad sa sala. Hindi na niya ikinagulat ang lalaking nakaupo sa may sofa sa ilalim ng mainit na ilaw habang nanonood ng telebisyon. Mahina lamang ang tunog ng telebisyon sa sala dahil nag-aalala itong baka magising niya ang kanyang kasama kapag masyado itong malakas. Maririnig ang mga magaang yapak mula sa pasilyo. Napalingon ang lalaki. Nagtagpo ang kanilang mga mata. Ni wala ma lang pagbabago sa kanilang mga emosyon. Tila’y matagal na panahon na silang kasal at nagsasama. Tila ri’y mayroon silang kasunduang hindi na kailangang sabihin pa. Walang nagtangkang pigilan ang kakaibang kapayapaang kanilang nararamdaman. Mistulang… payapa sila sa isa’t isa. Tumayo ang lalaki, naglakad patungo sa gilid na lamesa, ininit ang mga pagkain, at ibinalik ito sa lamesa. Tahimik na tumungo rito ang babae, at umupo sila upang kumain. Mistulang wala silang away-bati na pagsasama, na wala si