Kabanata 29

"Sinong bayaw ang tinutukoy mo?" Paglingon ni Ling Luoyin, isang maganda at sexy na babaeng nakasuot ng isang mamahaling kulay brown na coat ang lumapit sakanila. Namukaan siya kaagad nito at natatawang nagpatuloy, " Nagtataka ako kung sino ba 'tong kausap mo, yung kapatid lang pala nung mamatay tao." Biglang kumunot ang noo ni Ling Luoyin. Alam niya na ang babaeng nasa harap niya ngayon ay si Hao Yimeng, ang bagong fiance ni Xiao Zigi. Nanlilisik na tinignan ni Hao Yimeng si Ling Luoyin mula ulo hanggang paa, "Ang pagkakaalala ko, manggagamit ka. Kaya mo ba pinuntahan si Zigi rito at tinatawag mo pa siyang bayaw, kasi umaasa ka na mabibigyan ka niya ng lead role? Ang kapal din naman pala ng mukha mo kung ganun." Sobrang napahiya si Ling Luoyin sa ginawa ni Hao Yimeng, at hindi nagtagal, pinalibutan na sila ng mga usisero, na para bang nanunuod lang ang mga ito ng isang live na role play. Dahil dito, lalo lang nagalit si Ling Luoyin kay Ling Yiran. 'Kung hindi kasi sana siya na