Kabanata 485

“Alam… alam mo ba ang iyong ginagawa?” Hirap siyang bigkasin kada salita sa simpleng pahayag na lumalabas sa kanyang bibig—para bang pinipisil na toothpaste. Kinagat ni Ling Yiran ang kanyang labi. “Alam… Alam ko.” Ang kanyang mukha ay nakadikit na sa kanyang likod, at ang kumot na nakatakip sa kanya ay nalalag sa sahig. Sa panahon na iyon, gusto lamang niyang sundin ang kanyang puso at sabihin kay Yi Jinli ang gusto niyang sabihin. Kumuha siya ng lakas upang magkaroon ng tapang para dito. “Sa tingin ko ay mahal kita, Jin!” ani ni Ling Yiran. Oo, gusto niyang sabihin ang totoong nararamdaman niya kaysa manahimik noong tinanong ni Yi Jinli kung mahal niya ito. Ayaw na niyang makita mula na unti-unting mapalitan ng kalungkutan ang kanyang mga mata. Alam ba niya na kumikirot ang puso ni Ling Yiran sa tuwing pinipigilan ni Yi Jinli ang kanyang pusok at napapanatag ang kanyang loob sa tuwing sasabihin ni Yi Jinli na hindi niya gagawin ang ano mang hindi niya gusto? Ngunit sa mga mata