Kabanata 362

Nakakapanibago itong tignan dahil nakasuot ito ng kulay light brown na coat, malayong malayo sa nakasanayan na palagi itong naka kulay itim. Nanggigigil si Tammy sa kanyang kinauupuan at nanlilisik ang mga mata niya habang nakatitig kay Elliot na naglalakad papalapit sakanila. Gustong gusto niya itong suntukin sa mukha. Hindi na kailangang itanong dahil sigurado siya na si Jun ang nagyaya dito. Nang makita ni Avery si Elliot, agad-agad siyang umiwas ng tingin. Malinaw pa sa isip niya ang ginawa nito sakanya kagabi. Natatakot pa rin siya rito pero alam niyang hindi siya magagalaw nito ngayon dahil may mga ibang tao silang kasama. Ang iniisip ni Elliot noon ay siya ang may utang kay Avery kaya nahihiya siyang magpakita rito, pero ngayong malinaw na si Avery ang may utang sakanya, wala ng hiya-hiya. Pagkarating ni Jun kay Tammy, kinurot niya kaagad ang kanyang boyfriend. Dinilatan ni Jun si Tammy, sabay iling na para bang sinasabi niya na ‘Wala akong kasalanan! Hindi ko siya niya