Kabanata 1003

“Salamat naman kung ganun!” Bumuntong hininga si Lana at gumaan ang kanyang loob nung narinig niya ito. Naniniwala siya na hangga’t hindi siya tuluyang patay, may tiyansa pa siya na gumaling sa tulong ng mapaghimalang kakayahan sa medisina nila Fane at Ethan. “Mag-iingat kayong lahat. Mga puppet ang kalaban niyo. Patay na sila. Ang kanilang mga katawan ay matigas at hindi sila nakakaramdam ng sakit. Magiging mahirap para sa inyo na pagpirapirasuhin o putulan sila ng binti o braso.” Nakita ni Fane ang mga lalake na mula sa mga makapangyarihan na mga pamilya na napapalibutan, at unti unti silang nadaig ng mga ito. Kaagad niyang pinaalalahanan ang lahat, “Atakihin niyo ang mga Amerikano kung gusto niyong maiwasan ang mga puppet. Saka lang doon ito uubra.” “Mga bastardong Amerikano. Ang lakas ng loob niyong gumamit ng ganitong pamamaraan!” “Tama. Hindi niyo lang pinatay ang aming mga tauhan, pero ginawa niyo pa silang mga puppet at ginamit sila para labanan kami!” “Tama.