Kabanata 11

Gusto kong makipag-date. Sa katunayan, nais kong may magmahal sa’kin. Sa sobrang desperada ko ay kuntento na ako sa isang taong magpapanggap na mahal ako. Dahil kaunting oras na lang ang natitira sa’kin. Wala akong intensyong sayangin ang oras ko sa mga walang kwentang bagay. Nginitian ko siya at sinabing, “Wala ka nang paki do’n.” Bumalik ako sa kotse ko at nagsimulang magmaneho ulit. Nagulat ako, binuksan ni Dixon ang pinto at pumasok habang umaandar ang kotse, sobrang delikado ng kanyang ginawa. Malakas kong tinapakan ang preno at hindi ko mapigilang sigawan siya, "Nababaliw ka na ba? Maaari kang masaktan!" Walang bakas ng takot sa kanyang mukha. Tinitigan ko siya nang may pagmamalasakit. Sasabihin ko na sana sa kanya na bumaba sa aking kotse nang sinabi niya, "Mahal mo pa ba ako?" Parang siyang nagtatanong, pero naisip kong alam niya na ang sagot. Walangya! Sa loob ng tatlong buwan, magpapakasal siya sa iba, pero nakaupo siya sa aking kotse at tinatanong kung mahal ko pa ba siya. “