Kabanata 97

“W… wala akong maibabayad na kahit ano sa iyo,” sabi ni Lily habang umaapaw ang luha sa kaniyang mga mata. Alam niya na gusto siyang tulungan ni Terence nang hindi humihingi ng kapalit. Kahit na ano pa ang hingin nito sa kaniya, siguradong simple lang ito—isang bagay na madali niyang magagawa. Tumingin si Terence sa kaniya gamit ang malalalim niyang mga mata na unti unting naging kumplikado. Hindi na niya ito pinilit pa, sa tindi ng kaniyang pinagdaraanan ngayon, ayaw niyang matakot sa kaniya si Lily. “Kung ayaw mo ng tulong ko, sumandal ka na lang sa balikat ko. Umiyak ka kung kailangan mo,” Alok ni Terence habang lumalapit siya kay Lily. Napaharap si Lily hanggang sa tumama ang kaniyang paningin sa balikat ni Terence. Masyado itong malapad at malakas na nagparamdam sa kaniya ng sense of security. Napakurap ang mga mata ni Lily bago tumulo ang kaniyang luha, dito na niya niyuko ang kaniyang ulo para isandal ang kaniyang noo sa balikat ni Terence. Tumulo ang malalaking patak ng l