Kabanata 41

Agad na nagdilim ang ekspresyon ni Yvonne. Alma ko ang gusto niyang sabihin kaya agad ko siyang pinahinto at tumingin na lang ako kay Xavier. “Hindi rin naman gustong sumama sa akin ng anak mo. Nilinaw niya na kung anong turing niya sa akin—bago pa ang divorce o kahit ngayon. Wala ng dahilan para gustuhin pa niyang pumunta ng beach kasama ako.” “Anong ibig mong sabihin sa ‘anak mo?’ Hindi na ba ikaw ang tatay ko?” Maririnig ang boses ni Xavier at halos magising na si Jonas. “Hinaan ko ang boses mo. Natutulog ang kapatid mo.” “Bakit ko naman ‘yon gagawin? Siya na lang lagi ang iniisip mo, kaya bakit mo pa ako kailangan pakialaman?” Napatingin ang lahat ng nasa cabin dahil sa sigaw niya. Suminghal ako, mas tumindi pa ang galit ko nang titigan ko si Xavier. Paano naging ganito ang malambing na bata? Kitang-kita ang impluwensya ni Yvonne sa kaniya. “Baka galit si Xavier kasi wala ka na masyadong atensyon para sa kaniya,” sabi ni Yvonne, namumula ang mukha niya habang pinipilit