Kabanata 525

‘Anak ng!’ Laking gulat ni Alex na parang sasabog na ang utak niya at namamanhid ang anit niya. Kung hindi siya nagkakamali, abo ito ng baboy. Sa nakalipas na anim na buwan, umiiyak siya sa harap ng libingan ng kanyang ama nang wala siyang ibang mapagsabihan ng kanyang kalungkutan. Hindi bababa sa anim na beses siyang pumunta rito. ‘Bale nakikipag-usap pala ako sa baboy? Walanjo? ‘Pero ang totoong tanong, bakit nilagay ang abo ng baboy sa urn? ‘Saan napunta ang abo ng aking ama? “Pinaltan ba ito? ‘Di kaya… noong una pa lang, wala naman talagang abo?’ Nagulat si Alex sa sarili niyang mga palagay. ‘Ang aking ama’y... hindi patay?’ Pagkatapos ay itinabi niya ang saloobing ito. Noong nakaraang Oktubre, nakita niya ang bangkay ng kanyang ama nang isugod siya sa ospital mula sa kanyang kasal sa araw ng aksidente sa sasakyan. Siya ang nagpadala ng kanyang katawan sa incinerator. Kung hindi siya namatay doon, tiyak na isa siyang diyos. Gayunpaman, meron lamang isa pang posibilidad dito. Noong