Kabanata 993

Nauusisang tanong ni Alex, “Anong kailangan mo sa dalawang babaeng iyon?” Binago ni Auntie Rockefeller ang puwesto ng kanyang pag-upo. Matikas na nagkrus ang mga binti niya sa ilalim ng mesa. Dumampi sa hita ni Alex ang dulo ng kanyang itim na takong, ngunit hindi man lang siya nabahala. Humigop siya ng alak at iniluwa muli iyon sa baso. Aniya, “Masarap sa unang talong higop ang alak na ito. Pero sa ikaapat, maasim at nakakaumay na yung lasa. Hindi na masarap inumin.” Habang nagsasalita, tinulak niya ang baso ng alak papunta sa harapan ni Alex. “Magpalit tayo ng inumin!” Nakaupo sa tapat si Alex habang kumikibot ang gilid ng labi niya. Pinagmasdan niya si Auntie Rockefeller na kaswal na dinadampot ang kanyang baso at tinungga iyon. Gayunpaman, ininuman niya na ang basong iyon kanina. ‘At saka, uminom ka dito tapos iniluwa mo pabalik sa baso. Paano ko ‘to iinumin? Gusto mong inumin ko yung laway mo?’ Pagkaraan ng ilang sandali, sinabi niya, “Ang bawat isa sa Four Great Princesses ng pam