Kabanata 956

Agad namang nagtanong si Alex, “Kilala mo ba kung sino sila?” Gayunpaman, hindi malinaw si Darven sa mga detalye. “Hindi mahina sa martial arts ang mga taong iyon, at merong ilang mga Grandmaster na mahirap pakitunguhan. Lahat sila ay nakasuot ng pilak na maskara, at hindi namin makita ang kanilang mga mukha... Oh, naalala ko na ngayon, medyo espesyal ang kanilang mga maskara. May mga kakaibang pattern sa mga iyon.” Binigyan siya ni Alex ng panulat at papel. Pagkatapos, pinisil niya nang husto ang mga posas nito, at sa isang klik, kumalas ang mga espesyal na tanikalang materyal. Natigilan si Darven. “Diyos ko po! Young Master Rockefeller, talagang malakas ang mga kamay mo.” Walang pakialam na sabi ni Alex, “Basta maging masunurin ka lang sa pakikipagtulungan sa akin at sabihin mo sa akin ang lahat, masisiguro ko ang buhay mo. Matutulungan din kitang alisin ang Sumpa ng Kamatayan na nasa iyo.” Kanina pa madaming sinasabi si Darven kaya napapagod na siya, at ito na ang hinihintay niya. Agad niyang pinulot ang panulat, nag-isip sandali, at saka gumuhit sa papel. Karaniwan lang yung maskara. Ang hindi pangkaraniwang bahagi nito ay ang mga pattern ng apoy dito. Merong baluktot na espiritu na nakatago sa loob ng mga pattern ng apoy. “Parang ganito.” Tumango si Alex. “Isang huling tanong. Ang pambansang kayamanan na hinahanap ng Divine Constabulary mula sa’yo, ano iyon?” Ngumuso si Darven. “Pwet nila, pambansang kayamanan. Lahat kami ay nagbuwis ng buhay upang mailabas ang mga bagay na iyon mula sa sinaunang libingan. Anong kinalaman noon sa modernong America? Young Master Rockefeller, hayaan mo akong maging tapat sa’yo. Ayon sa nakikita ko, hinanap ako ng Divine Constabulary, hindi para sa kapakanan ng bansa, ngunit sa katunayan, ginagamit sila ng ibang tao upang makamit ang kanilang mga personal na layunin.” Nalito si Alex. Bumulong si Darven, “Naghahanap sila ng susi, ngunit minsang sinabi ng iyong ama na ang susi ay isang bagay na hindi maaring ibigay. Sa huli, hindi ko alam kung nasaan yung susing iyon. Malamang alam ng tatay mo ang tungkol doon.” Napakapa na lang si Alex sa noo. Bakit parang naging mas kumplikado pa ang sitwasyon ng kanyang ama? Ngayon, maging ang Divine Constabulary ay nasangkot na. Tapos meron pang susi. Anong pinto ang mabubuksan ng susing iyon? Gayunpaman, hindi alam ni Darven ang mga detalye. Iniisip niya kung alam ni Susan ang tungkol dito... Malinaw na noong nag-usap sila, hindi nito sinabi sa kanya ang buong kuwento at nagtago ng maraming bagay. “Plano kong bisitahin ang puntod ni Caesar sa lalong madaling panahon,” sabi ni Alex. “Hah—” Matagal na natulala si Darven. Nagulat siguro siya. Naging bangungot niya ang sinaunang libingan na iyon. Gayunpaman, wala siyang sinabi. Pagkatapos ay tinulungan siya ni Alex na alisin ang sumpa sa kanya, at hindi man lang tumagal ng isang minuto para magawa iyon. Nanlaki ang mata ni Darven. “Young Master Rockefeller, minana mo talaga ang kakayahan ng Spirit Doctor? At isa ka pang Immortal Doctor?” Hindi sumagot si Alex. Sa halip, sinabi niya, “Ibinalik ko na yung mga kakayahan mo. Hindi naman magiging malaking problema ang pagtakas mo rito, tama ba? Ngumiti si Darven, ang pananahimik niya ay isang pagsang-ayon. “Bawal pumatay ng tao! “At saka, huwag mong gagalawin ang pamilyang Coney.” Nang makitang tumango si Darven, tumayo si Alex, binuksan ang pinto, at lumabas. Nang makita si Anna sa labas ng pinto, bigla niyang sinabi, “Anna, hayaan mong tingnan ko yung katawan mo.” “...”