Kabanata 85 Sunod-Sunod na Patibong

Sa mga sinabi ng lalaki, hinawakan na lamang ni Nell ang milky tea at ngumiti. Gusto pa sanang mangulit ni Gideon pero hindi na niya mahanap ang salita habang nakatingin sa maganda nitong mukha. Napangiti na lang rin siya. “Sabihin mo na! Pinlano mo ba ito?” Tumango si Nell. Hindi niya man inaasahan ang pagdating ni Gideon pero umayon pa rin naman ito sa kanyang plano. Gusto rin niyang magkaroon ng kompetisyon kasama si Celine. Ngayong si Gideon ang nagbigay ng suhestiyon, magiging patas ito sa paningin ng lahat. Nang maisip ang ginawa niya, mahinang ngumiti si Gideon. “Hindi na dapat ako nanggulo.” Umiling naman si Nell. “Hindi, dumating ka sa tamang pagkakataon.” Hindi na niya dinala sa usapan ang mga Jones, dahil kahit may plano pa siya, maaaring mabigo lang ito. Hindi na niya mapagkakatiwalaan….. ang mga Jones. Limang taon ang nakararaan, si Oliver Jones ang nagparatang sa kanya ng akusasyon. Maibibigay ba ang hustisya sa isang kompetisyong naganap matapos ang limang t