Kabanata 39

Napakurap ang mga mata ni Damian nang paulit ulit sa ginawa ni Shirley. At pagkatapos ay namula ang mga pisngi nito habang dali dali itong bumabangon sa kama para tumakbo papunta sa banyo. “Napakacute mong bata ka.” Hindi makapaniwala si Shirley na magkakaroon ng ganito katinding trauma ang ganito kacute na bata. Umabot pa ito sa punto na kung saan nagagawa na nitong saktan ang kaniyang sarili. Bumangon siya sa kama at kumatok sa pinto ng banyo. “Damian?” Pagkalipas ng ilang segundo, bumukas na rin ang pinto papasok sa banyo na nagpakita sa ulo ni Damian. Tinitingnan nito si Shirley. Nang makapasok si Shirley sa banyo, nilagyan niya ng toothpaste ang toothbrush nito. Sabay na nagsipilyo ang dalawa habang nakatingin sila sa salamin. Mula umpisa hanggang huli, makikitang nakangiti si Damian. Nang makapaghilamos ang dalawa, hinawakan ni Shirley ang kamay ni Damian palabas ng kuwarto. Nang buksan niya ang pinto, nakita niya ang nakatayong si Arthur sa labas. Buong galang na binati n