Kabanata 40

Walang kamuang muang si Shirley sa iniisip ni Isabelle. Pero natatakot na siya sa kung ano ang posible nitong sabihin sa kaniya. Dito na siya sumagot ng, “Hindi po ganoon kaimportante ang kasal sa akin kaya hindi na po natin kailangang magdaos ng napakarangyang seremonya para rito. Wala na pong ibang importante sa akin kundi ang kaligayahan namin ni Benjamin.” Ang nagiisang bagay na hindi pa nagagawa ni Shirley para makakuha ng puwesto sa pamilya Blackwood ay ang pagluhod sa harapan ni Benjamin. Kaya paano niya magagawang umasa na magkakaroon sila ng engrandeng kasal nito? Nang sabihin ito ni Shirley, sumasangayon niyang tiningnan si Arthur. Magiging okay naman siguro ang reaksyon nito sa kaniyang sagot, hindi ba? Nakahinga lang nang maluwag si Shirley nang makita niyang tumango nang pasimple si Arthur. Pero hindi pa rin niya maloloko nang basta basta si Isabelle. Agad itong sumagot ng, “Hindi ako makapapayag dito. Paano ko maipapaliwanag sa iyong ina ang pagsasama ninyong dalawa