Kabanata 77 Aalagaan Siya Sa Ospital

“Gising na po si Mr. Lancaster. Nagising siya madaling araw kanina,” sagot ni Joe. Nakahinga nang maluwag si Yvonne pero ilang sandali lang ay muli na naman siyang hindi mapakali. Habang kapit-kapit ang kanyang seatbelt mahina itong nagsalita, “Anong sabi niya? Sinisisi niya ba ako sa nangyari?” Bahagyang natawa si Joe. “Hindi ko po alam eh. Mahinahon naman po siya pagkagising niya kaya hindi ko po alam kung anong nararamdaman o nasa isip niya.” “Ganoon ba...” Mahigpit na tinikom ni Yvonne ang kanyang mga labi. Sinulyapan ni Joe ang babae mula sa gilid ng kanyang mata. “Madam, natatakot ba kayong baka galit sa inyo si Mr. Lancaster?” “Mm.” Tumango si Yvonne. “Lalo pa at ako naman ang may kasalanan sa nangyari kaya...” “’Wag ho kayong mag-alala, hindi naman binubuhos ni Mr. Lancaster sa iba ang galit niya.” Ngumiti si Joe. Napakurap lang si Yvonne, tila hindi naunawan ng lubos ang sabi ni Joe. “Bakit?” “Hindi naman ho ganoon si Mr. Lancaster. Dahil niligtas ka niya, alam naman niya sig